Hljómsveitin Óregla

er samt ekkert þannig stelpa sko.    


Óregla á Airwaves

Við spilum sem hér segir:

Dillon: Laugardagurinn 2. nóv kl 14.45

Skuggabarinn: Sunnudagurinn 3. nóv kl 16.30

Lucky Records: Sunnudagurinn 3. nóv kl 19.00

Murrk og Óregla á Volta, fimmtudagin 16. maí

Við spilum á Volta, Tryggvagötu, næsta fimmtudag ásamt hinu frábæra prog rock bandi Murrk.

Hér eru Murrk á Músíktilraunum.

Stúdentakjallarinn 10. apríl

Við verðum í stúdentakjallaranum 10. apríl klukkan 21.00 og það er frítt inn. Við spilum tvö ný lög, Eilífa Endurtekningu og Fear And Loathing At The Business Meeting.

Hey, og þar að auki erum við komnir með soundcloud og á gogoyoko.

Rosenberg 16. janúar

Við verðum á Rosenberg 16. janúar. Ekki missa af því, það verður geðveikt!

Það kostar 1000 kall inn. Þetta er gjöf en ekki gjald.

Mánabar 27. Desember

Fólk! Við verðum á Mánabar aftur á morgun, fimmtudaginn 27. des. Mætið í kringum níuleytið. Blæti verður líka á dagskránni. Allt ókeypis.

Mánabar, 13. des

Við spilum á Mánabar í kvöld! Vúú!

Mánabar er fyrrverandi Buddha sem er fyrrverandi Hverfisbarinn og ég er ekki frá því að hann hafi heitið eitthvað annað í millitíðinni.

En hann er Mánabar núna og við erum núna á Mánabar! Ókeypis inn. Hamrið gæsina á meðan hún er heit.

Mánabar

Hverfisbarinn BuddhaMánabar

The Lebowski Bar, 3. Nóv

Við spilum á super secret off off venue tónleikum á Airwaves næsta laugardag á Lebowski barnum, laugaveginum. Nældu þér í börger og stóran skammt af hrárri Óreglu á meðan birgðir endast. Það er takmarkað upplag en ótakmörkuð stemning... eða eitthvað þannig. Bandið er alla vega farið að spila eins og moðerfokkerar á sterum, í magnaðri þrívídd og með saxófóna í stereó.

Við byrjum klukkan 3. Það er að segja klukkan 15. Þrjú um daginn sem sagt, eftir hádegi. Ég held þú skiljir hvað ég meina.

Café Haítí 13. Sept!

Spilum á Café Haítí í kvöld! Ye!

Við seljum handsmíðuð eintök af smáskífunni "Svart Brauð" á 1500 kall. Þú getur ekki misst af þessu.

Upptökum á Svörtu Brauði lokið!

Sem og mixi og masteringu.

Niðurstöðurnar eru hérna á síðunni sem og á Soundcloud. Þetta eru virkilega góðar fréttir og við þökkum Frikka aftur fyrir.

Tónlist er eins og brauð. Af því að brauð.

Tónlist er eins og brauð. Af því að brauð.

Óregla á Rósenberg 14. júlí

Hey! Var ég búinn að segja ykkur að við erum að spila á Rosenberg næsta fimmtudag? Af því að við erum svo tótallí að fara að gera það! 1000 kall inn, óendanleg skemmtun, klukkan tíu hvorki meira né minna. Mér finnst þú ættir að mæta.

Tónleikar á Hemma og Valda

Við spilum á Hemma og Valda kl 9 næstkomandi sunnudag eftir langt tónleikahlé. Við verðum líklegast spilandi töluvert í sumar, svo fylgstu með.

Stúdíó!

Þá er loksins komið að því að taka eitthvað almennilega upp! Við förum í stúdíó um helgina að taka upp hjá Friðriki Helgasyni, sem er sérlega fínn náungi og einstaklega prófessional. Meðal fyrri verka Frikka er upptaka á bandinu Caterpillarmen, sem er stórfínt og ég hef ekkert á móti því að auglýsa hér.

Ekki segja að ég hafi ekki varað þig við!

Ekki segja að ég hafi ekki varað þig við!

Hugmyndin er að taka allt upp í live, eins og menn! Enda erum við búnir að æfa eins og moðerfokkerar (eins og maður segir). Upp verður tekið lagið Svart Brauð - nei, verkið Svart Brauð - sem er 20 mínútna epík í fjórum pörtum og fjallar um ástir, sorgir, lífið sjálft og rúgbrauð.

Með smjöri.

Gaukur á Stöng

Við spilum á Gauk á Stöng í kvöld (24. nóvember). Þetta stefnir í snarhellað prógramm.

Grapevine Grassroots

Við spilum á Grapevine Grassroots þann 28. September. Við spilum meðal annars lagið "Lopapeysur og Lundar" sem átti að vera sumarsmellurinn okkar því, sko, sumarið er ekkert búið þótt það sé að koma október! Fólk sem mætir í lopapeysum fær ókeypis klapp á bakið frá mér.

Fínasta plakat líka.

Fínasta plakat líka.

Bakkus 20. sept

Jájájá!

Þá er það ákveðið, Óregla á Bakkus tuttugasta september. Það er fríkeypis inn, sem sagt það kostar ekki neitt og aðgangseyrir er 0 krónur. Við stefnum á að taka upp svo við getum loksins smellt mannsæmandi upptökum hingað á síðuna.

Tónleikar á Faktorý 25. ágúst!

Þið heyrðuð rétt! Óregla spilar á Faktorý 25. ágúst næstkomandi, ásamt Hljómsveitunum "Blæti" og "Ojba Rasta". Fjörið hefst upp úr 22:00 og það kostar 1000 kall inn. Ég mæli með þessu.

Faktorý

Faktorý

Þetta er þar sem gamla Grand Rokk var, Smiðjustíg 6.

Erum við að tala um mad skillz í Photoshop eða hvað?

Erum við að tala um mad skillz í Photoshop eða hvað?

Tónleikar á Rosenberg

Fólk! Við munum spila á Rosenberg þann 25. júlí næstkomandi! Látið sjá ykkur.

I Like It!

I Like It!

Við erum að tala um 11 glæný lög, grúv eins og þú hefur aldrei heyrt það áður og stanslausa skemmtun. Það kostar 500 kall inn og tónleikarnir byrja klukkan 21:00 eða svona sirka.